利萬(Le mans)係灣仔屹立40年，1979-2019年，2019年係40週年紀念差啲要執笠。
灣仔80呎租金由2008年$12,000，發展到2019年$40,000，呎價超過$400。
前幾年香港島都有兩間車牌鋪想挑戰我地，開係運輸署商場同開係我地隔離街，兩間都唔過一年要執，死因應該都係租金。
幾年前我地同運輸署驗車中心極力爭取，香港法例374E說明凸字合法性，終於令車牌生態改變，車牌行業百花齊放好不熱鬧。
又經傳媒大力訪問宣傳，車牌行業終於被有心人睇起，大大力發展出不同產品。
有時受左氣真係好唔想做呢行，有時有滿意作品有客人讚賞信任又覺得好滿足好成功。
灣仔2019年5月9日完約，唔可以話完成歷史任務，但係亦有為香港帶來車牌界嘅新技術，為香港人製作左十萬對車牌。
此終香港島係利萬嘅根，咁多年客人都知道係呢度，一番辛苦之下，又感激各方好友，一路支持嘅客人，終於可以進註香港島銅鑼灣嘅大坑！
擁有屬於自己嘅一個完整鋪頭有自己招牌，自己廁所，仲有門，係門呀，好感動，地方仲大過灣仔，足足有七倍有多，從利萬車牌變成利萬車房，原來利萬仲未死得。
大坑富人情味，是香港難得的慢活小社區，我地可以係呢度繼續服務大家。
一齊睇下利萬嘅生路歷程：
- 1960 - 利萬公司蔡先生，專營英國汽車零件。
- 1979 - 創立人蔡先生移居外國。利萬由廖師叔接手。
- 1979 - 利萬由廖師叔接手。分為批發部門(廖師叔)和門市部門(李師傅)。
- 2005 - 人生買第一部車，第一次幫襯”利萬車牌”從而得知此店。
- 2007 - 受僱利萬"紅褲子"出身。
- 2008 - 李老闆退休。我地四十萬購入”利萬車牌”品牌，接管業務。
- 2012 - 又幾年前我地同運輸署驗車中心極力爭取，香港法例374E說明凸字合法性。
- 2013 - 創立數碼化技術，打開車牌界新一頁。
- 2014 - 社會運動展開，由於立場鮮明，客人銳減一半。
- 2014 - 100毛 及 蘋果日報 大編幅訪問，直接令車牌行業浮面百花齊放。
- 2015 - 取得英國高等資格。
- 2015 - 於店外不同時間遇到及收養三隻貓仔。
- 2017 - 生產自家品牌反光物料。
- 2018 - 台灣經銷商代理利萬產品。
- 2019 - THE LEEMANPLATE 進註銅鑼灣大坑-人情味小社區，繼續為大家服務。